Monday, 4 February 2013

ikaw...

Posted by iya_khin at 04:28
google

Halintulad sa isang puta ako'y naglalako ng laman
Nagmamakaawa sa madilim na lansangan kung saan ako'y kanyang iniwan,
Alok dito, alok doon di magkanda ugaga halos magkadapadapa
Pilit na inililihis ang napakaiksi ng palda hanggang sa kuyukot ay makita.

Haplos at halik syang nagsisilbing medisina
Kung kani-kanino at kung sino-sinong barako ako'y sumama,
Animo'y isang ahas kung sa kanila'y makapulupot
Hanggang sa malagutan ng hininga at kinabukasa'y sa peryodiko sila'y iikot.

Sa kamera nyang tangan magiliw na nakangiti
Walang bahid ng lungkot, o kay galing talagang magkubli,
Hindi nya batid katumbas nito'y isang milyong kagat ng alupihan
Damdaming namimilipit sa sakit kinikitil ako ng dahan-dahan.

Sa makipot na silid mumunting lampara ang tanging nakasindi
Dito ako'y unti-unting  natutunaw animo'y sorbetes na walang lasa sa iyong labi,
Bago pa mahuli ang lahat sa kapirasong papel akin ng isusulat
Patak ng mga luha ko'y syang aking pluma at ikaw ang pamagat.





13 comments:

MEcoy said...[Reply]

maikli pero napaka ganda ng pag kakasulat
the best ka talaga dito

Bino said...[Reply]

salamat bff :)

Senyor Iskwater said...[Reply]

magandang tula...tunay kang makata...

eMPi said...[Reply]

Base ba ito sa tunay mong nararamdaman ngayon? :)

Axl Powerhouse Production Inc. said...[Reply]

maikli pero malaman.... goodluck sa ito belle iya!!!

xoxo_grah said...[Reply]

sad story...but very nicely done...good luck sa inyo...:)


xx!

Joel said...[Reply]

whew!! bigat naman nito..

88-Nutty Thoughts-88 said...[Reply]

reality check... sad sad sad story...

godd luck po!!!
*bear hugs*

shyvixen said...[Reply]

nice one ate iyah!.... walang kupas pa rin talaga.. :D Goodluck!

Pirate Keko said...[Reply]

Tula para kakaiba. Nice one :)

lakastamalakasuga said...[Reply]

umiiyak pa din sa tema ng akda..

tumahan ka na iyah :)

Yellow Bells said...[Reply]

ui ang galing makata kang tunay at may award ka here http://myyellowbells.blogspot.com/2013/02/liebster-award-baby.html

yccos said...[Reply]

Ang galing!

Post a Comment

LinkWithin

Related Posts with Thumbnails
 

when she cries.... Template by Ipietoon Blogger Template | Gadget Review