damuho sa damuhan

Isang nakakapangilabot na maligno sa damuhan ay natagpuan

Di ko sukat inakala sa iisang mundo’y nananahan

Hinuha ko’y nagpapakasasa kana sa kamunduhan

Lintik lang, hunghang ka, sarap mong duraan!

Dahil sayo’y bigla akong nakapagsulat

Nabuhayan ako’t nangagalaiti ang ulirat

Mga kalahok dito’y batid ko’y bihasa sa panitikan

Pero ang isang katulad mo’y kay sarap isubsob sa putikan!

Sarap mong tirisin yaring isang nakakapandiring kulisap

Masahol ka pa sa masangsang na galunggong isa kang hinayupak

Saang silid-aklatan ka ba naglagi at ika’y mapagpanggap

Bayani ka bang maituturing kung sarili mong pamilya’y iyong winasak?

Parang kang isang saranggolang nakasabit sa sangga

Mga makukulit na bata’y pilit kang hinihila

Na dapat sana’y ika’y nasa himpapawid at di nagkukubli

Ay oo nga pala, mas masahol ka pa sa larawan ng barakong malandi!

Bato-bato sa langit ang tamaan ay pangit

Ipagpaumahin ng iba kung pasimple’y ako’y nanlalait

Kung ika’y nasasapul ng aking akdain

Aba’y mag-isip isip ka’t sarili mo’y di pwedeng dayain!

Pasintabi po sa aking mga masugid na taga-subaybay

Ang inyong aba’y di po nakikipag-away

Sa kagawaran ng katarungan ako’y humihingi ng pang-unawa

Tanging ito lamang ang kayang ipukol sa isang nilalang na halang ang kaluluwa!

TSEEEE!!

Isang lahok para sa pakontest na  “Bagsik ng Panitik” ng aking kaibigan sa Damuhan

ALAB

Nanlilisik na mata’y syang nakatitig

Pagkamuhi’t pagkayamot syang halukipkip

Pawisan dahilan sa alab ng init

Kakatwa’y nasisiyahan habang nakamasid

Di alinta ang kagimbal-gimbal na kaganapan

Sa kanyang harapan sya nyang nasisilayan

Gasolinang ibinuhos sya ngang umaalingasaw

Marahang sinilaban, apoy ay pumangibabaw

----------------------------------------------------------

Hating gabi ng sya’y umuwi

Hapong katawa’y sana’y masayang hihimlay

May galak sa puso, sabik sa asawang naghihintay

Isang gawad ng halik nito’y pagod ay tiyak na mapapawi

Isang halinghing mula sa kanya ang narinig

Dahan-dahan syang sumilip sa kanilang silid ng pag-ibig

Mapupusok na kaganapan sa kanya’y tumambad

Isang babae’y nakapatong sa kanyang asawang hubad

-----------------------------------------------------------

Balisang isipa’y di alam ang gagawin

Pagkamuhi’t pagkayamot sa kanyang pakatao'y dumadaloy

Eksenang di nya inakalang kanyang masasaksihan

Sa asawang  inakala nya’y pag-ibig ay dalisay

Babaeng haliparot humanda ka’t ika’y malalagot

Asawang timang ikaw di’y mananagot

Kaparusahan sa inyong dalawa’y syang ihahatol

Pag-aalab ng kataksilan nyo’y sa impyerno’y mananaghoy

-----------------------------------------------------------

Kasabay ng kanilang pagsasasa’y kapalit ay kamatayan

Luha nya’y umaagos habang gasolina’y syang ibinubuhos

Sa tahanan puno ng pag-ibig ng kanyang nilisan

Ngunit ngayo’y nagmistulang kabaong na't libingan

isang opisyal na lahok para sa blogversary writing contest ni gasolinedude

tahak disyerto

"sa kalagitnaan ng disyerto, 'di maikakailang humahalimuyak at umuusbong ang pag-ibig hanggang dito."

isang lahok para sa pakontest ng isang kaibigang BOLERO

mahika sayong ngiti

"Isang ngiting kahalintulad ng nahihimbing sanggol, isang mahikang sayo’y ipupukol, walang katumbas na kabayaran ang ligayang sayo’y ihahatol."

google

Salamat sa mabubuting sponsors ng SMILE Quotes Contest : Field of Dreams, Alohagems on Squidoo, ISP101 at from the dungeon.

NA-AWARD KA DAHIL SA LUHA MO

Eto na, eto na, eto na, eto naaaa waaaaahhhhh aaaahhhh!

Alam kong matagal nyo na itong inaabangan at alam ko kumati na batok nyo kakahintay kung sino ang THE ONE! –intro

Bago po ang lahat-lahat lubos po talaga akong nagpapasalamat sa lahat ng nakilahok sa LUHA MO SA PAKONTEST KO.     First tym ko itong ginawa sa loob ng 2 taon kong pag bloblog, well sabi pa nga maganda talaga paminsan-minsan yung hindi planado, oooops teka hindi naman sa lahat ng bagay, tulad ng hindi planadong pagkabutis hindi planadong magka-IBIGAN, ect.ect.

Narealized ko sa patimpalak na ito… anak ng tinapa! Ang hirap pala! Ang dami kong batyang nakaantabay at sandamakmak na rolyo ng tissue ang naubos ko dahil dito. Nawiwi, naiyak, ngumawa at ilang araw akong binagabag ng pakontest na ito parang bangungot lang!

Ilang araw din akong naghabol sa mga huradong aking kinasabwat pero  tinaguan ako! Walangjoh!! Yung isa nagparamdam nga pero butas agad ang aking bulsa dahil sa pinakain ko muna’t inutu-uto, isang bandehadong kanin w/ ulam at sandamakmak na chips ang nilapang at 4 na litrong lime juice ang tinungga! SYA NA! Halos 4 na oras syang nagscore at halos maloka-loka na din sya sa kakabasa tas ang masaklap pa di nya natapos!! Waaaaaaahhhh!!! So da following day alam nyo na nangyari..nabutas uli ang rice cooker dahil sa kanya! Wala na bankrupt na agad me…

SOS talaga me masyado dahil dito, kaya lubos akong nagpapasalamat sa mga taong sumuporta sa akin at nagpapasalamat din ako kay Sir Kuya JKULISAP sa pagiging isa sa mga hurado, tenk yu, tenk yu, tenk yu po talaga sa tym na ibinigay mo para dito.

Ito po ang criteria of judging kung paano po binalasa ang mga nakilahok.

click to enlarge

Sadya po talagang maraming magagaling kung pwede nga lang lahat winner na! yaan nyo pag nanalo ako sa lotto! :p

So base sa 4 na huradong hinabol-habol ko at sa ilang linggong pag-ngawa ko eto na po ang nanalo at ang prize!!! Pagpasensyahan nyo na po ito lang ang kinaya ng bulsa ko, sasusunod maghahatak ako ng sponsor. Hehe! May balak pa talagang sundan!

PRIZES:

• kingston 16 GB usb
• skull candy earphones
• Dubai t-shirt

and the winner is:

JOEY VELUNTA

MARAMING SALAMAT PO!