Isang nakakapangilabot na
maligno sa damuhan ay natagpuan
Di ko sukat inakala sa
iisang mundo’y nananahan
Hinuha ko’y nagpapakasasa
kana sa kamunduhan
Lintik lang, hunghang ka,
sarap mong duraan!
Dahil sayo’y bigla akong nakapagsulat
Nabuhayan ako’t nangagalaiti
ang ulirat
Mga kalahok dito’y batid ko’y
bihasa sa panitikan
Pero ang isang katulad mo’y
kay sarap isubsob sa putikan!
Sarap mong tirisin yaring
isang nakakapandiring kulisap
Masahol ka pa sa
masangsang na galunggong isa kang hinayupak
Saang silid-aklatan ka ba
naglagi at ika’y mapagpanggap
Bayani ka bang maituturing
kung sarili mong pamilya’y iyong winasak?
Parang kang isang
saranggolang nakasabit sa sangga
Mga makukulit na bata’y
pilit kang hinihila
Na dapat sana’y ika’y nasa
himpapawid at di nagkukubli
Ay oo nga pala, mas
masahol ka pa sa larawan ng barakong malandi!
Bato-bato sa langit ang
tamaan ay pangit
Ipagpaumahin ng iba kung
pasimple’y ako’y nanlalait
Kung ika’y nasasapul ng
aking akdain
Aba’y mag-isip isip ka’t
sarili mo’y di pwedeng dayain!
Pasintabi po sa aking mga
masugid na taga-subaybay
Ang inyong aba’y di po nakikipag-away
Sa kagawaran ng katarungan
ako’y humihingi ng pang-unawa
Tanging ito lamang ang
kayang ipukol sa isang nilalang na halang ang kaluluwa!
TSEEEE!!
Isang lahok para sa pakontest na “Bagsik ng Panitik” ng aking kaibigan sa Damuhan
24 comments:
ang anghang neto Iyah!!! may pinanghuhugutan ba?
moks maanghang ba? kulang pa yan, lol at lels! :p
hahaha..dumadaplis ng kunti, kunti lang naman..ga hibla lang ng buhok..lol
galing!
ang ganda ng iyong pagkakagawa sa bawat baybayin... akoy naiingit na dahil di ko matapos yung akin...
goodluck sa imo kaibigan.
malamang sapol sa bunbunan ang taong pinatatamaan mo nito!LOL.
may tseehh talaga sa dulo?hehehe
goodluck iyah!
dumugo ang utak ko lol
galing naman!... gusto ko ang mga binitiwang salita.... animo'y galit na galit na leon.. hehehehehe... goodluck.. :D
may pinanghuhugutan ang entry. hmmm
@Akoni manong di ikaw yan wag kang mag-alala, malayong malayo sayo yang isinulat ko! :D
nasaktan ako dito. hehehe
Bibilib ako sa lahat ng sasali sa patimpalak ni Bino. Hahaha! :))
Awts.
Tula naman itong iyo.
Nakakatuwa na buhay na naman ang blogging community dahil sa pakontest ni Sir Bino.
Ang gagaling. :)
hanggaling naman... ikaw na!
sa tulang ito may nakita
isang iyakhinhg manunula
dito din napansin ko
Palabang iyakhin ang gumawa nito
malupit pa sa latigong humahagupit hehehehe...
aray ko iya.. ako ang tinatamaan... ehehehe... hala ka... ehehehe.. galet??????? ano ba yan... tulang may hinanakit ata yan e... magaya nga....
ahahahahahah hinuha ko, hindi talaga maligno ang pinatutungkulan mo ate iyah. kakaaliw. hahaha
Mukhang tama ang ilan,
tila yata may pinaghuhugutan.
Pamagat pa lang wala na kaming kalaban-laban.
Nakapaloob mabangis na mga salita
na kahit kaming mambabasa'y sapul at tila ginigisa.
Dama namin ang bumabalot na emosyon,
ano ba kasi ang pinagmulan ng tensyon?
Nakikibasa na nga lang ano kami pa ang kumikwestyon?
Kasi naman parang may larawan ng malignong may matang nanlilisik kung tumitig,
umaangkop sa bawat hagupit ng iyong mga titik.
Nakakadala, nakakamangha..
Magaling ka nga, walang kaduda-duda
Yan ang kaibigan naming Kaka, este makata ;D
Haha! ayan nag react tuloy si AKONI (oh akoni, hindi daw ikaw yun!)
Parang galit na galit lang ah!? heheh yaan mo samahan kita tirisin ang mga makakati!
hahaha .. andiin nung TSEEEE ah . :p
gudlak sa iyo :)
sasali sana ko sa kontes. kaso nakakadugo ng ilong yung tagalog...hehehe. Gudluck ate iya! :)
hahah natawa ko dun sa "tsee" sa huli! hahaha yun ang catch dun eh! lols!
galing naman ramdam ang gigil! muntik nakong maniwala na may kaaway ka dinaan mo lang sa contest hehe
Nagbasa. Humusga. Hindi ko magawang isantabi at sabihing tsee ang naturang akda... may kabuluhan. :)
Post a Comment