MASID (ikalawang kabanata)

(Babala: ang inyong mababasa ay pawang kathang isip lamang. Lahat ng karakter sa kwentong ito ay hinatak ko lang at dinamay ng wala silang kamalay-malay. Tabi-tabi po sa mga kumakain at mahihinang puso, huwag pong ituloy pag di kaya ng powers nyo.)

Surprise!!! Magiliw na bati ni EMPI kay Lhuloy. Oh you’re here….biglang simangot at parang namutla ng makita nya si Empi sabay lingon kay Kiko. Your dad asked me to drive for you guys para naman daw alam nyang safe kayong makakapagbakasyon dahil kasama nyo ako. Isa si Empi sa mga pinagkakatiwalaan ng daddy ni Lhuloy at isa din sa masugid na manliligaw nya. Pare, nililipad ako may bagyo bang dumating? sabay angas ni Akoni at akbay kay Kiko. Tawanan.

Sya nga pala, ito si Keatondrunk sasama din sya sa atin para kung mayroong aberya sya ang expert dyan. Pagpapakilala ni Empi. O my gosh! Akala ko ba tayo lang ba’t ang daming sabit?!! Pagtataray ni Jhengpot. Hayaan mo na atleast marami tayong body guard sabi ko sa kanya . Oo nga para naman may gagawa para sa atin if ever may kailangan tayo, pagsang-ayon naman ni Kamila. Whatever! Pagsusungit pa din ni Jhengpot.

Nagsimula na silang maglakbay. As usual sobrang ingay sa loob ng van, harutan at tawanan. Magkakatabi kaming girls sa front seat habang ang mga boys ay di magkamayaw sa likuran.  After 3 and ½ hours na byahe kailangan pa naming sumakay ng pamboat papunta sa resort nila Lhuloy. Nahihilo ako, sabi ni Kamila, dahilan sa maalon ng araw na yon at medyo uulan pa yata. Ako din nasusuka! Pag amin ni Musingan. Ano ba yan! ang hihina naman ng resistensya nyo di kayo tumulad sa akin! Pagyayabang ni Leonrap. Huwag ka ngang mayabang dyan, eh kanina ka pa nga pasimpleng sumusuka dyan! Supalpal ni Jhengpot sa kanya. Habang kami naman ay tahimik na nakaupo lang. Ok ka lang? pagtatanong ni Banjo sa akin. Oo naman, ok lang ako. Tugon ko sa kanya habang nakatanaw ako sa karagatan.

Magtatakip-silip na ng makating kami sa pangpang ng isla. Isang lalaki ang sumalubong sa amin. Kamusta Mang LordCM? bati ni Empi. Maayos naman ako iho, masaya ako at nakadalaw ka uli. Sagot ni Lordcm habang nakatingin sa aming lahat. Nagkakilala silang dalawa dahilan sa minsan ng naisama si Empi ng daddy ni Lhuloy ng ipaaayos nila ang resort. Senyorita Lhuloy, buti naman at sa unang pagkakataon ay nakapasyal ka dito, tama lang din ang pagdating ninyo at tapos na ang mga pag-aayos ng mga kwarto. Good! Matipid na tugon ni Lhuloy. Hali na kayo at mag gagabi na mahirap pag-maabutan tayo dito ng dilim. Pagmamadaling paanyaya ni Lordcm.

Sa di kalayuan may isang nilalang na taimtim nakamasid sa kanila. Isang nilalang na nagkukubli sa dilim at tahimik na nakikiramdam sa bawat galaw ng magkakaibigan. Waring kay tagal ng naghihintay, dumadaloy ang pigil na pagkasabik sa kanyang katauhan na sa bawat galaw ng mga bisita’y tumatagos sa kanyang laman……………..

itutuloy

MASID I