Para sayo Anton,
Matagal tagal ko na rin pinag-isipan ito at halos may katagalan na din tayong magkakilala. Naglalaro ako nun ng paperdolls na gawa ni ate na jinekwat ko sa bag nya ng masilayan kita sa labas ng bakuran namin habang naglilipat bahay kayo. 9 years old palang ako noon at di ko maintindihan ang naramdaman ko, parang biglang nag-palpiteyt ang inosenteng puso ko. Tandang tanda ko pa din kung anong itsura mo nun, may sipon ka ata ng panahon na yun kasi labas pasok ang uhog mo. Sige nga ang punas mo sa damit mo ng bigla kang mapatingin sa akin at nagulat ka, bigla kang tumakbo at pumasok sa inyo. Pero ok lang yon kasi super cute ka pa din sa paningin ko.
Lumipas ang mga araw naging klasmayt pa tayo sa elementarya, halos araw-araw magkasabay din tayong pumapasok at umuuwi. Nalulungkot nga ako minsan pag-absent ka kasi nakakabagot mag-isa nasanay na kasi akong kasama ka. Hanggang sa grumadweyt tayo ng highschool parang magkarugtong na ang bituka natin, in good terms din ang mga magulang natin kaya sobrang saya ko. Halos gabi-gabi nasa inyo ako minsan naman dito ka tumatambay sa bahay namin at may pagkakataon pa ngang sa amin ka natutulog. Alam mo bang pinagmamasdan kita sa iyong pagtulog?! Ang pogi mo talaga! Nakakabighani ang iyong mala-anghel na mukha, ang mapupulang labi at ang makisig mong pangangatawan, I love everything about you!
Pero biglang nagbago ang lahat, simula ng dumating si Anna.
Si Anna, klasmayt mo sa kolehiyo, si Anna na maganda, si Anna na sexy, si Anna matalino, lagi nalang si Anna! Paano na ako, anong nangyari? Madalang ka ng tumambay sa amin ngayon, lagi ka ng nasa lakwatsa dahil kasama mo si Anna iniiwan mo na ako sa ere. Minsan naglasing ka sinamahan pa kita dahil sabi mo ayaw ng magulang ni Anna sayo. Bakit kailangan mo pang maghanap ng iba eh nandito naman ako? Bulag ka ba?
Dapat dati ko pa ito sinabi sayo, dapat pinagtapat ko na agad sayo na mahal kita, oo mahal kita simula pa noon. Ngayon nalulungkot ka kasi di ka kayang ipaglaban ni Anna, ako eto ipaghahamon pa kita! Sana mapansin mo din ako, sana malaman mong may feelings din ako. Sana balang araw di mo na din ako tawaging TOL…..
Mahal kita, dito lang me….
Loving you,
Tikboy
 |
| galing deviantart |
