simoy

google

Malamig ang simoy ng hangin damang-dama ng kalamnan

Pasko na naman tila kay saya ng bawat tahanan

Mga tao'y di magkamayaw tila ba'y nag-uunahan

Lingid sa iba sa senakulo'y yaring nilalang ang syang nararanasan.

Kisap ng mga parol di maaninag

Tila ba nabulag na, wala ng liwanag

Himig ng pasko nakakatuliro, nakakabingi

Pigil na luha, eto na, dahan-dahan, ang hapdi.

Di makahinga, dibdib yaring sasabog

Pasko dapat sanay masaya ngunit sa kalungkuta'y lubog

Ito ba ang alay mong regalo?

Tunay ngang kakaiba, aginaldong alay mo.

Dahan-dahan ako'y kinikitil

Dahil sa salang di sadya ako'y itinatakwil

Minahal nga ba o pagpapanggap lamang?

Araw ng pagkabuhay syang aking pagkamatay.

Idaraos ang gabing suot ay maskara

Pipiliting maging masaya, sa harap nila'y makikitawa

Makikisalo, ikukubli ang tunay na nadarama

Pagkatapos nito'y ako'y magpapaalam na.

Malamig ang simoy ng hangin...

Manhirin mo, bukas ay muling mag-iisa...

PUTING PANSIT

Salamat Bro at nakaraos na naman ang pasko, pang tatlong pasko ko na dito sa dubai simula ng napunta ako dito. Ibang-iba talaga ang selebrasyon dito, wala kang makikitang parol na kumukuti-kutitap kung saan-saan,makakakita ka ng christmas light pero pailan-ilan lang mabibilang lang sa daliri mo. Walang na ngangaroling na makukulit na bata na kung ilang beses bumubulahaw sa bahay nyo hanggan matulili kana sa ingay nila, walang gate crasher na kahit di imbitado eh nasa bahay nyo't nakikisalo't nakikiepal, excuse me kilala mo ba sya?!weeee! Pero ano pa ma't nakakamiss talaga ang pasko sa pinas,kakaiba talaga!

Share ko lang sa inyo yung pinagsaluhan namin nung pasko...ito po yung puting pansit,walang kaarte-arte, walang sangkap na gulay o ano pa man kundi bawang na pampalasa at mailan-ilang butil ng manok... but guess what!? Ito ang pinakabest na nakain kong pansit sa tanang buhay ko! korek po ang nabasa nyo, sarap to the highest level talaga! di ko po alam kung nakakain na kayo nun pero sa akin first time ko pong makatikim nun! Actually po inihahalintulad ko po sya sa pasko, ano ba talaga ang essence ng pasko para sa inyo?

Napaisip ako ng tinanong ako ng kaopismayt ko tungkol dun, alam ko naman ang sagot eh pero inirelate ko sya dun sa pansit puti napinagsaluhan namin. Di na kailangan ng magarbo, di na kailangan ng maraming palamuti, di na kailangan kung gaano karami ang handa nyo ang importante ay mabigyan natin halaga kung bakit natin pinagsecelebrate ang pasko. Dahil syempre kay Jesus! Ang importante ay mabigyan natin halaga ang presensya nya, dahil sa kanya tayo ay naligtas sa ating mga kasalanan, dun sa mga taos pusong nananalig sa kanya. Hindi dahil sa tuwing pasko ay nageexpect tayo ng regalo o maraming kainan, dapat sanaý di lang tuwing pasko tayo naghahanda, sanaý araw-araw natin paghandaan ang ating may likha at araw-araw tayong magpasalamat sa kanya. Sa pansit puti,tunay ngang kay sarap mong talaga,ramdam na ramdam ko ang iyong kakaibang lasa! Sa nagluto (aka ate jas) sanaý maulit muli!